സഖിയോട്

 മഴയായ് നീ പെയ്തിറങ്ങിയാൽ 

ഭൂമിയായ് പിറന്നിടാം ഞാൻ

കാറ്റായ് നീ വീശിയെന്നാൽ

മരമായ് ഞാനുണർന്നിടാം

സൂര്യനായ് ഞാനുദിച്ചുയർന്നാൽ 

പദ്മമായ് വിരിയുമോ, നീ 

നിലാവായ്, ഞാൻ പൂത്തുലഞ്ഞാൽ

ആമ്പലായ് വിടർന്നിടുമോ, നീ 

ആകാശമായ് ഞാൻ ശയിച്ചെന്നാൽ

മേഘമായ് പടരുമോ, നീ 

തിരയായ് ഞാൻ പുൽകിയെന്നാൽ 

തീരമായ് എന്നിലലിയുമോ നീ

നദിയായ് ഞാൻ ഒഴുകിവന്നാൽ

കടലായ് നീയെന്നെ പുൽകുമോ

മരണമെന്നെ ഗ്രസിക്കും നാൾ

അഗ്നിയായ് നീയെന്നെ പുണരണം.