അന്തിമേഘത്തിന് ചുവപ്പിലെവിടെയോ,
അന്തരംഗത്തിന് വിഷാദം പുരണ്ടുവോ?
സന്ധ്യതന് കൈയ്യിലെ വിപഞ്ചികാ നാദത്തിലെ-
ന്നാത്മരോദനമിഴുകി പടര്ന്നുവോ?
ഹാസം മറക്കാത്തയരുവിതന് ചുണ്ടിലും,
എന്റെ ഹൃദയദുഖം പകര്ന്നെന്നോ?
രാക്കിളി രാഗം മറന്നെന്നോ, നോവിന്റെ,
തമ്പിനകത്തു സമാധിയായെന്നോ?
ഇന്നെന്റെ നീറുന്ന നോവുകളൊക്കെയും,
ചാലിച്ചെടുത്തൊരു ചിത്രം ചമയ്ക്കട്ടെ,
എന്നിട്ടതിന്റെ ചുവട്ടിലായ്, ചെഞ്ചോര-
മുക്കി വരക്കട്ടെ, നിന്റെ നാമം.
