പ്രിയേ, നിന്‍ കാലൊച്ച കാതോര്‍ത്തിരുളിന്‍െറ മാറില്‍-
തളര്‍ന്നു കിടക്കുന്നു, ഞാനിന്നുമേകനായ്...
നൃത്തധ്വനികളിലെതോ വിലാപത്തിന്‍,
നാദമെന്‍ കര്‍ണ്ണം തിരിച്ചറിന്ജീടുന്നു.
ഇക്കൊടും വേനലിനഗ്നിയില്‍ ചാമ്പലായ് ,
കുംകുമപൂവുകള്‍- എന്‍ മോഹസൂനങ്ങള്‍.
ഇക്കൊടുംകാറ്റില്‍ ചിറകുതളര്‍ന്നൊരി-
പഞ്ചവര്‍ണക്കിളി - എന്‍ വര്‍ണ്ണ സ്വപ്‌നങ്ങള്‍.
വെട്ടമോരിത്തിരിയില്ല, പടുതിരി,
മിന്നി ത്തെളിയാന്‍ പിടയ്ക്കുന്ന നാളമായ് ,
ഒരു കണമെണ്ണ പകര്‍ന്നു തരിക നീ,
ജീവശ്വാസ്സമായ് , വന്നിടു വൈകാതെ.
അനീതി, അക്രമം, സ്നേഹശുന്ന്യത, ഇവയൊക്കെ കാണുകയും കേള്ക്കുകയും ചെയ്യുമ്പോള് , മനസ്സ് പിടയ്ക്കുന്നു, നിസ്സഹായതയാണോ, ഭയമാണോ? ഈ മര്‍മ്മരം
No comments:
Post a Comment